On Fairytales

*In Filipino. Unless someone wants me to translate it in English. XD

Sabi nila, ang mga fairytales daw ay anti-feminist. Bakit? Kasi, isinalalarawan sa mga fairytales ang pagiging “damsel in distress” ng mga babae. Ipinakikita rito na mahina ang mga babae at na hindi nila kayang magkaroon ng “happily ever after” sa kanilang mga sarili.

Siguro nga. Sa totoo lang, ganito rin ang tingin ko nung una. Bakit nga naman kasi kailangan pang maghintay ng mga prinsesa sa kani-kanilang mga prinsipe para iligtas sila mula sa mga sitwasyon na kinalalagyan nila? Bakit hindi na lang sila gumawa ng paraan para isalba ang mga sarili nila?

Bigla ko lang naisip, siguro nga iyong ideya na yun ang madalas at mabilis na nakikita ng mga “feminist”. Hindi pa naman ako hardcore na feminist pero sabi ko nga na miski ako, yun din ang una kong kritiko sa mga fairytales.

Pero, subukan nating tingnan sa ibang anggulo. Paano kung ang gusto naman pala nitong iparating ay hindi: “Babae, magtiis ka lang at maghintay dahil darating rin ang prinsipe mo na siyang magliligtas sayo” kundi: “Babae, kung ang lalaking iyan ang para sayo, gagawin niya ang lahat para sayo.” Ok, hindi literal na lahat.

Paano nga naman kung ang gusto talagang sabihin nito ay: “Lalaki, kung gusto mo talaga si Babae, dapat handa kang maghanap sa buong kaharian, pumuksa ng dragon at lumaban sa mangkukulam.”

(Ridiculous! XD)

Yun nga lang, hindi naman trip ng mga lalaki ang mga fairytales. At malamang na malamang na hindi little boys ang target market nito.

Si Cinderella, hinubad lang ang sapatos nagka-lovelife na. Ikaw, hinubad mo na lahat, wala pa rin.

-Anonymous

Terrible but hilarious joke. I know.

Kaya imbes na tumambay ka lang at maghintay sa loob ng mataas na tore...

Go out and explore! Enjoy life and everything that it can offer.

Girls should live their lives.

Kung kilala mo si Kelly Cutrone, alam mo kung gaano siya ka-successful na tao. Isa siya sa mga pinakama-impluwensya at makapangyarihan na nilalang sa mundo ng fashion.

Si Kelly mismo, hindi pabor sa mga fairytales. Nabanggit pa nga nya sa kanyang librong “If you have to cry, go outside” na hangga't maaari ay iniiwasan niyang mapanood ng kanyang anak na babae ang kahit na anong fairytale dahil hindi niya gusto ang impluwensya nito.

Marami na rin akong nabasa at narinig na ganito ang pananaw. Hindi mo sila masisisi dahil may punto nga naman ang mga opinyon nila.

Sa panahon ngayon, hindi na dapat mauso ang mga “damsel in distress/ Maria Clara peg”. Dapat, ang mga babae ay maging “Gabriela Silang” o “Katniss Everdeen” o “Tris Prior” na. Mabuti nga at nabubuksan na ang mga mata ng publiko sa tunay na kahalagahan at kalakasan ng mga kababaihan.

Ngayon, pantay-pantay na. Apir!